Seawas, bist a krank?
1:00 Uhr
WO BINI
In der Notfallambulanz
EIN MANN SCHLÄFT IN EINEM SESSEL, SCHRECKT AUF.
MANN: wo bini
wo samma mia do
KRANKENSCHWESTER: in schbidol samma mia do
MANN: aa san se aa aus keandtn
ER SCHLÄFT WIEDER EIN, SCHRECKT NACH EINER WEILE WIEDER AUF.
MANN: wo bini
wo samma mia do
KRANKENSCHWESTER: in schbidol samma mia do
MANN: aa san se aa aus keandtn
DAS GANZE WIEDERHOLT SICH NOCH EIN PAAR MAL.
2:00 Uhr
BUZD
In der Notfallambulanz
MEHRERE SANITÄTER SCHAUEN DABEI ZU, WIE EIN ANDERER DRAUSSEN DAS
RETTUNGSAUTO PUTZT.
ERSTER: fad is heid
ZWEITER: jojo
i hobscho buzd
zwaa kaffee drungn
und denan do ban buzn koifm
nix los heid
ERSTER: eingdli ee guad
owa faad
kendtad ned ana
a bissal
nua a glaans bissal
undtara audto kuma
3:00 Uhr
DEMBRAMENDT
In der Unfallambulanz
EIN MANN LIEGT AUF EINER PRITSCHE UND RUFT DIE KRANKENSCHWESTER.
MANN: ge gengans
kendtade delefonian
das mei frau waas
wori bin
DIE KRANKENSCHWESTER BRINGT IHM EIN TELEFON.
MANN: ge kendtadn se fia mi
ER SAGT IHR DIE NUMMER AN, SIE WÄHLT UND GIBT IHM DANN DAS TELEFON.
MANN: naa
kenans ned redn mid ia
waö si is ane mid an dembramendt
do sez z glei wos
KRANKENSCHWESTER: na redn miassns scho söwa mid ia
MANN: ge schwesdta
so sans do ned asso
se waradn a reschbegzbeason
und de mochdma do glei an ziagus
KRANKENSCHWESTER: nau
hedns as hoid ned keirad
4:00 Uhr
KOZZNFUADA
In der Notfallambulanz
EIN MANN, EINE FRAU, BEIDE LESEN JE EINE GRATISZEITUNG.
MANN: ge wia laung hoggman
do ummanaunda
FRAU: ge red ned dauand
do kaunimi ned
konzendrian
MANN: ge auf wos dudido
scho konzendrian duasd
aufs bülliche kozznfuada
FRAU: na
aufs bülliche bia fia dii
MANN: solaung i mas
söwa haamdrong muas
brauxdu di ned
drauf konzendrian
FRAU: i konzendriami drauf
daas das ned haamdroxd
des warad bessa fia dei lewa
MANN: ge konzendriadi
liawa wida aufs
bülliche kozznfuada
5:00 Uhr
KATT
Vor dem Haupteingang
MEHRERE JUGENDLICHE SITZEN AN EINEM TISCH.
ERSTES MÄDCHEN: wii lang müssma noch waadtn
ZWEITES MÄDCHEN: na wena gneed wiad
ERSTER BURSCH: und du musdich nichd aufreng
du bisd ja schuld
ERSTES MÄDCHEN: nein bin ich nichd
was kann ich dafüa
dassa nix fadragdt
ZWEITER BURSCH: was waan eigendlich
ERSTES MÄDCHEN: ea wolldma a bussal geem
awa ich hammich duggdt
und dann weisd ee
katt
ZWEITES MÄDCHEN: wollzd kein bussal fon iim
ERSTES MÄDCHEN: naja ee
schon
ERSTER BURSCH: wo bleibdn da max midn bia
ZWEITES MÄDCHEN: bia
i hamma dachd dea bringd aperol oder sowas
ZWEITER BURSCH: ge um diise zeid
da musd fro sein
wenns übahaubd was zum dringgn gibd
ERSTES MÄDCHEN: glaubsd
daaf da moariz nach dem neen
auch gleich was dringgn
ZWEITER BURSCH: di frage is
ob ea übahaubd was dringgn kann
obs ihm nichd den mund zuneen müssn
ZWEITES MÄDCHEN: dann
kannzd lang auf dein bussal waadtn
6:00 Uhr
GUT DAITSCH
Vor dem Eingang
ZWEI FRAUEN:
ERSTE: na schazzi
i reden nur mär daitsch
mid dir
das du glaich lernen
nix so machen wi i
bini do firzich jare
firzich jare
und nix räden gut daitsch
wail zerscht
haben denkt
orbaiten zwai drai jare
dann gähen haim
und bini ollawail no do
olso schazzi
i ima reden daitsch mid dir
und du gut lernen
wenn hären mir ainfach zua
7:00 Uhr
KA BLAN
In der Eingangshalle
MEHRERE MÄNNER IM ARBEITSGEWAND MIT FIRMENLOGO STEHEN UM
EINEN TELEFONIERENDEN MANN HERUM. SIE REDEN UNVERKENNBAR
BURGENLÄNDISCH.
TELEFONIERENDER MANN: und hiaz
mia schdeinga do
und wos is
mia san bschdöd
und hiaz is kuana do mid an blan
ER STECKT SEIN HANDY EIN.
de debpm do wissn fa nix
2. MANN: und wos damma hiazad
3. MANN: huamfoan
und a rechnung schigga
8:00 Uhr
BOOFÖN
Vor dem Haupteingang
ZWEI MÄNNER, DER ERSTE WILL SICH EINE ZIGARETTE ANZÜNDEN.
ZWEITER MANN: da düafms ned rauchn
ERSTER MANN: seid waun
ZWEITER MANN: seid ein baa monad
ERSTER MANN: und wo deafi
ZWEITER MANN: da
hindta da weißn linie
ERSTER MANN: hindta da dodeslinie
daas de gschrobpm
fia denan eanare zaunschbaungan
ois i boofön soi
nix midgriang
10:00 Uhr
DA SCHÄÄF
Vor den Liften
ZWEI FRAUEN. EIN MANN WILL SICH DAZUSTELLEN, ERKENNT UND GRÜSST
EINE DER FRAUEN UND SAUST DAVON.
1. FRAU: wea isn des
2. FRAU: mein schääf
1. FRAU: an so an oozwiggdtn scheef hosdu
2. FRAU: i homman ned ausxuachd
1. FRAU: und wos hoda
2. FRAU: waasined
owa muas beinlich sei
wia dea gschwadtld is
so kuaze haxn
und so schwadtln
1. FRAU: vileichd schdeeda eam nimma
2. FRAU: mia warad des wuaschd
1. FRAU: oda vileichd isa debpad
2. FRAU: dees isa
1. FRAU: naa i maan ned
echd debpad
i maan bsüchmeesich
debpad
11:00 Uhr
REISEBIARO
In der Eingangshalle
EINE FRAU UND EIN MANN:
MANN: ich scheis mich an
do gibz a reisebiaro
FRAU: wo
do hearin
MANN: jo
do schau
schdaundesaumdt
graungnkassa
reisebiaro
fia wos brauxd do hearin
a reisebiaro
FRAU: nau heasd
waunzd doda
laung gnua ummanaudaliixd
mexd nocha
sicha gean fuadfoan
MANN: ii ned
i gangad en graungnschdaund
des is büllicha
12:00 Uhr
SCHAU BABPA
In der Eingangshalle
EIN DICKER ALTER MANN SITZT AUF EINER BANK UND BRABBELT VOR SICH
HIN, EINE EBENSO DICKE UND ALTE FRAU WATSCHELT SCHNAUFEND ZU IHM
HIN.
FRAU: do
do schau babpa
drei wuaschdzemmarln howe da brochdt
und a goladtscharl
MANN: und a bia ned
FRAU: owa jo
a bia griaxd aa
owa zeaschd duasdma wos essn
dasdma ned umfoisd doda
MANN: no fosd warad i ee schon umkibpt
nüchdan songs
um ochde nüchdan
und daun hoxd ummanaunda doda
min grochadn mong
an hunga wiara woif howe
ER FÄNGT AN ZU ESSEN.
FRAU: nau i hobs ee kead
wia dei mong grochdt hod
MANN MIT VOLLEM MUND: und jezzan
wiasd boid hean
wias hindtn ausse grochdt
FRAU: wauns oaschal brummd
is heazal xund
MANN: des hedasd en dogdta dazön soin
14:00 Uhr
LUSA
In der Eingangshalle
EIN MANN UND EIN BURSCH:
BURSCH: schau dia di leud an
was dundi alle da
das sin alles lusa
MANN: was meinzd
mid lusa
BURSCH: na wennz keine lusa wean
weans nichd da
MANN: du bisd ja auch da
BURSCH: aba nua
weil ich den babpa besuch
MANN: na dann is dein babpa
ein lusa
BURSCH: ee isa ein lusa
aba zumindesd eina
mid schmeaznsgeld
ABSZESS
Vor den Liften
ZWEI FRAUEN:
1. FRAU: do haumma ane
in zimma
mid an abszess aum oasch
de schaud scho so giarich
2. FRAU: ge mamma
1. FRAU: jo giarich
das de sowos hod is e gloa
waö de is zgiarich zum scheissn
15:00 Uhr
A SCHDUDENT
In der Eingangshalle
MEHRERE LEUTE SITZEN AUF DER BANK.
EIN JUNGER MANN SPRICHT EINE FRAU AN:
entschulljung
daaf ich si fraang
ich bin schdudent
der wirtschaftswissenschaften
und aabeite an meiner abschlussaabeit
FRAU: jo
ER FRAGT ALLES MÖGLICHE ÜBER KRANKENHÄUSER, ÜBER MARKENNAMEN
USW. DANN BEDANKT ER SICH UND GEHT. DIE ANDEREN LEUTE HABEN
NATÜRLICH ZUGEHÖRT.
ZWEITE FRAU: heans
se sanda owa gscheid
des wissadi ollas ned
EIN MANN: des hoda eana auxeng
und drum de dame do gfrogdt
16:00 Uhr
MEI HUNDTARL
Vor dem Haupteingang
ZWEI MÄNNER, EINER HAT EINEN GROSSEN HUND AN DER LEINE.
DER HUND WILL ZU DEM ANDEREN MANN.
1. MANN: de kauns jo goa nimma dawoadtn
2. MANN: i aa ned
ui do kumbdjo mei hundtarl
meine glaane
jo buzzile
buuzile
mei meedi
mei meedi
jojo
i gfreimi a
daas do bisd
mein mausarle
mei weiwi
meingod gfreirimi
waon i blind warad
deaffazd mid eine
owa so ned
1. MANN: bisd e so schaasaugad
fiaran zweagbinscha
dad des scho reichn
17:00 Uhr
AUFGLEARUNG
In der Eingangshalle
ZWEI FRAUEN VOR DEM SCHWARZEN BRETT, AUF DEM VON BÜCHERN ÜBER
AUTOS BIS HIN ZU WOHNUNGEN UND HÄUSERN ALLES ANGEBOTEN WIRD.
1. FRAU: aufglearung
wauni des scho hea
aufglearung
daas de glaan gschrobpm
des ois schon wissn miassn
do scheniarimi jo glei
2. FRAU: owa bessa iss scho
1. FRAU: i bin a ned aufglead wuan
und hob drozdem mid sechzenn
a kind griagd
20:00 Uhr
DE BLUMMAN GOSSN
In der Eingangshalle
EINE FRAU UND EIN MANN:
FRAU: hosd de blumman gossn
MANN: jo
FRAU: olle
MANN: olle
FRAU: um godtas wüün
in gagdus a
MANN: den a
FRAU: bisd gescheid
do ned in gagdus
MANN: owa du hosd xogd
olle
FRAU: owa do ned den gagdus
MANN: owa waunzdu sogsd
olle
FRAU: heasd des waas a jez kind
daasma an gagdus ned giasd
MANN: bin i a kind
22:00 Uhr
SCHMEAZN
In der Notfallambulanz
EIN MANN UND EINE FRAU WARTEN.
FRAU: geezda schon bessa
MANN: woarum soidazma bessa gee
FRAU: waöszo ausschausd
MANN: wüsd daas mi de haamschiggn
med meine schmeazn
so wiasas inda zeidung dauand schreim
FRAU: naa
wos rezdn
i wüdi do ned mid schmeazn dahamhaum
und außadem haumsdo
nua amoi a schwaungare haamgschiggd
owa schwaunga bisdu gaun zicha ned
23:00 Uhr
UNDTAHOIDTUNG
Im Raucherkammerl
EIN MANN SITZT SCHON LÄNGERE ZEIT DA UND RAUCHT NICHT. DAS FÄLLT
EINER FRAU AUF.
FRAU: woins leichd a zigredtn
MANN: naa
i raugg jo nid
i siz nia do
wengda undtahoidtung
Vorabdruck mit freundlicher Genehmigung des Verlags aus: El Awadalla: Seawas, bist a krank? Tiefe und tiefgründige Dialoge im Krankenhaus. Milena-Verlag, Wien 2014, 192 Seiten, 17,90 Euro. Das Buch erscheint dieser Tage.